Under Helse Fonna har helsetilbodet i Sunnhordland og Hardanger vorte svekka meir og meir over åra. Lokalsjukehusa i Odda, Kvinnherad og på Stord er svært viktige for helsetilbodet i regionen, og er mellom andre nokre av institusjonane som har vorte svekka. Me krev at sjukehusa vert ein del av eit nytt Helse Hordaland.
Lokalsjukehusa må kunne avlasta Haukeland ved at enkelte spesialiserte oppgåver vert lagt til ulike lokalsjukehus, og me krev kort tid og avstand til behandling ved akutte skadetilfelle. Utan akuttfunksjonar vert lokalsjukehusa utarma. Dette kan me ikkje lenger godta. Stortinget må fastsetja kva akuttfunksjonar som skal vere til stades på eit lokalsjukehus. Me vil at desse minimum skal ha akuttberedskap innan indremedisin, generell kirurgi og enklare ortopedi, fødetenester samt anestesi tilstrekkeleg for kirurgi, akutt indremedisin og fødselshjelp, og i tillegg røntgen og laboratorietenester som i det minste dekka behovet for akuttbehandling.
Skriv under om du ynskjer å få ein endeleg stopp på nedskjeringane i helsetilbodet i Sunnhordland og Hardanger.
